was wohr is

Liewes Chrischtkind, brauchscht net schelte
dann ich bin en braver Bu.
So en Prachtkerl find mer selte
uff de Welt, däs gew ich zu.

Ich guck nie in fremme Häwwe,
große Sache brauch ich kee.
Ebbes Bräveres kann's net gewwe,
brav is schun keen Ausdruck mee.

Will aach niemand ebbes nemme,
wann's aach uff de Finger brennt,
dann do misst mer sich jo schemme,
däs wääß jeder, wu mich kennt.

Selbscht mich lowe, wär veschrowe,
nee, däs haw ich mer geschwor,
nee, däs mach ich net, mich lowe,
doch was wohr is, däs is wohr. Dein braves Fritzel