Uff jedem Disch in uns're Palz
steht Kimmel, Peffer, Wei un Salz,
un Brot, des gäbt e Bärekraft,
wer des mit Worscht enunner schafft.

Die Zwiwwel in de Pälzer Kich
is aach gesund, des sin kee Sprich,
gemischt mit gudem Brotworschtduft
gäbt des die werzich Pälzer Luft.

Nadierlich gäbt's aach oft Salat,
mit Poree, Schnittlaach un Muschkat.
Stell nor dezu e Kodledd hie,
do kannschte uns achiele sieh.

Aach Meerreddich verschafft Genuss,
weil mer uff den was trinke muss.
Un die Moral vum Ganze ewe:
Wer Pälzisch lebt, hot mee vum Lewe.