´S is alles ganz egal

´S gäbt gude Daa un schlechte,
do scdeckt mer halt ned drin,
un driwer viel zu rechte
hätt' wirklich gar keen Sinn.
Was soll mer simuliere?
Was kummt, des is halt do,
es kann ned viel bassiere,
's bassiert jo sowieso.

'S gäbt arme Leit un reiche,
wu hän Verschdand un kän,
´s is üweral es Gleiche,
ehr wisst jo, was ich män.
Ob Bettler oder Keenich?
Es hummt uff eens eraus,
wann alles aus is - meen ich -
is wirklich alles aus.

'S gäbt Dichter un Poete
mit ganz verschiednem Los,
de eene dicht no Goethe,
de anner dicht halt bloß.
Des wär vielleicht des Eene
an Unnerschied un Qual,
doch sunschd, des is des Scheene,
is alles ganz egal.