De Wald werd bunt un grieht en gold'ne Schei,
die Keschte fallen un ´s gäbt neie Wei.
War 's Johr aach hart un war 's aach Ärwet viel,
beim Erntedank vergesst mer jedi Schwiel.

Was jetzt noch drauße uff de Äcker steht,
werd abgeernt un dann werd nei gesäät.
Mer klobbt die Niss, holt Kraut un Riewe hääm,
de Raach vum Krumbeerkraut riecht aagenehm.

Die Kelter presst die reife Trauwe aus.
Wie Fahne hängt de Duwak vor em Haus.
Mer sieht Tomate, Welschkorn, Zwiwwle, Beere
un zwischedrin en Kranz vun gold'ne Ähre.