Was kann dann noch gewaltger sei,
wie unser Lieb zu unserm Rhei,
zu unserm Land, zum Häämetort,
zum Pälzer Lied un Pälzer Wort,
zu unsre liewe Palz am Rhei?
Nix uff de Welt kann größer sei,
kann stärker un gewalt´ger sei,
wie unser Lied zur Palz am Rhei

Es Heemweh zieht uns immer heem
zum Rhei un zu de Keschtebääm,
zum Pälzer Wald un an die Haardt,
des is halt unser Pälzer Art.
Meer liewen Wei un Sunneschei
un drum kann nix gewalt´ger sei
nix größer und nix stärker sei,
wie unser Lieb zur Palz am Rhei,

Es gäbt fer die Heemet keen Ersatz,
ich wißt bei Gott keen schennre Platz,
vertraut is do enn jeder Paad.
Un was die Mutter hot gesaat,
des prägt in´s Herz wie Gold sich ei:
Nix uff de Welt kann größer sei,
kann stärker un gewalt´ger sei,
wie unser Lieb zur Palz am Rhei.