februar

's hot Daa, do brennen mittags noch die Lichter.
Die Leit maskieren sich un traan Gesichter.
Paar frohe Stunne woll'n die Zeit entlaschte.
bis uns de Aschermittwoch mahnt zum Faschte.

Es wechseln Eis un Schnee mit Wind un Rege
un dorch die Wälder klingen jetzt die Säge.
Es kracht, de Sturm knickt Kief're druff un druff,
doch guck, die Weidekätzcher geh'n schun uff.

Allmählich wern die Daa dann werre länger.
De Schnee geht weg, mer hört die erschte Sänger.
De Dachs werd wach, still steh'n die Schlittekufe.
Die erschte Krokus kummen wie gerufe.