es schicksal

Wanns dunkel werd un schdill
gebts Schdern in Hüll un Füll'.
Un is dei Laschd aach noch so schwer,
sie leichderd sich im Schdernemeer
damit dei Herz ned brecht, - -
es Schicksal is gerecht.

Aach wann dei Kraft am End,
uff eemol kummt die Wend.
Un gäbs zum Schei kee Hoffnung mee,
es Schicksal saat gewiss ned nee,
un plötzlich kummt die Sunn, - -
un alles is gewunn.

Wanns dunkel werd un schdill
gebts Schdern in Hüll' un Füll'.
Drum wärs verkehrt an schwere Daa
sich selwer 's Lewe abzusaa,
sei tapfer schdets un echt, - -
es Schicksal is gerecht.