Es esse net vergesse,
sunschd werd mer dinn un blass;
ich halt gar viel uff 's Esse,
am Esse hab ich Spass.

Net bloß an hohe Feschte
Un wann´d Geburtsdag hoscht;
Bloß schmeckt mer halt am beschde
e eschdi Pälzer Koschd.

Zum Beispiel so e Rippche,
dorchwachse, schee un fei,
mit Sauerkraut im Dippche,
un noch e Gläsche Wei.

Des duht mich als kuriere
vum Kopp bis an die Zeh;
im esse sich scheniere,
des wär e großes Weh.

Ich halt net viel vum Schmachde,
so for en hohle Zeh;
im Esse sich scheniere,
des wär e großes Weh.

Un hab ich des begrawe,
dann grieh ich Appedit
an Brodworschd mich se lawe,
des gäbt jo erscht de Kitt.

Ehr wisst, en Sack, en leere,
bleibt vun allee net steh',
un deswää mei Begehre
mich ordentlich zu neh'.