Die Kichelcher sin in de Pann,
heit backt die ganz Gemee,
un alles was noch krawwle kann
is luschdich uff de Bee.
De Wei, des is keen Narrescherz,
der fließt wie aus de Bumb.
Es danzt un lacht in jedem Herz
un närrisch sei is Drumb.

Die Buwe, die hän Hietcher uff,
die Mädcher bunte Schlepp.
E jeder hot was anneres druff,
mer sieht aach scheene Zepp.
Die Bäckelcher sin ritzerot
vum Küsse un vum Wei.
Bei so me starke Uffgebot
Kann 's gar net annerscht sei.

Un kummt die Aschermittwochsruh,
un sin mer mied un satt,
dann machen mer die Aache zu
un schlofen wie e Ratt.
Es kann net immer Fasnacht sei,
sunscht wär's vielleicht e Oual.
Des siehn sogar die Narre ei
un wern dann ganz normal.