In unsre scheene Palz, ehr Leit,
do gäbt´s aach scheene Feschte,
ob Worschtmarkt ore Kerwezeit,
bei Pälzer Wei un Keschte.
Do macht mer sei fünf Sinne wach.
Des gehert zu unserm Glick,
Do fallen alle Sorge flach,
Des macht halt die Musik.

Refrain:
Die Frankethaler Stadtkapell
is pälzisch ganz un gar
un drum gehert die Stadtkapell
zum Pälzer Invendar.
Die Frankethaler Stadtkapell
is pälzisch ganz un gar
un drum gehört die Stadtkapell
zum Pälzer Invendar.

E Volksfescht uhne Stadtkapell,
des wär net gut zu mache,
sie bringt die richtich Stimmung schnell,
damit mer aach kann lache.
Die Musik baßt zum Wei so gut,
do zeigt sich´s, wer was kann,
un wer net for sei Wohl was duht,
des is keen rechter Mann.

Refrain:
Die Frankethaler Stadtkapell
is pälzisch ganz un gar
un drum gehert die Stadtkapell
zum Pälzer Invendar.
Die Frankethaler Stadtkapell
is pälzisch ganz un gar
un drum gehört die Stadtkapell
zum Pälzer Invendar.

Die Palz is Palz, des wär gelacht,
meer wollen net verroschte,
un wann de Huber Musik macht,
do kummt mer uff sei Koschte.
Do fräät mer sich, do zieht´s eem hie,
do schmeckt eem aach de Wie
un Männer kammer do noch sieh´,
die blosen dichtich nei.

Refrain:
Die Frankethaler Stadtkapell
is pälzisch ganz un gar
un drum gehert die Stadtkapell
zum Pälzer Invendar.
Die Frankethaler Stadtkapell
is pälzisch ganz un gar
un drum gehört die Stadtkapell
zum Pälzer Invendar.