de niklaus

De Niklaus duht sich jetzt beeile.
Er kummt bestimmt,
's braucht niemand heile,
der duht de kleene Kinner nix,
sein Esel zieht de Schlitte fix.

Er kummt mit lauter gute Sache,
um alle Kinner Frääd zu mache.
Nadierlich muss mer brav sei aa,
un wann er froot, schee Antwort saa.

's macht Eidruck aach vor alle Dinge,
wann eener kann e Liedche singe.
Des hört er gern, de Nikolaus,
un aach sein Esel, drauß vorm Haus.

Gedichte sin em aach willkumme,
do is er froh un duht net brumme,
macht gern sein Sack mit Äppel uff
un lobt die Kinner, druff un druff.

Die Määdcher sollen ebbes stricke
un häkele, des duht sich schicke,
sie sollen's uff de Disch schee lee,
damit er sieht, do is Idee.

Die Buwe kennen Krippcher baue,
es Werkzeig schee im Eck verschtaue,
aach Sterne bassen gut dezu.
Wer ebbes will, muß ebbes duh.