Am Uugeheier See
erscheint als nachts e Fee.
Die next sich immer mit de Eile,
wann's blitzt un wann de Sturm duht heile,
un klabbert mit de Zäh,
des geht dorch Märk un Bee.

Am Uugeheier See
sieht mer Gespenschder steh.
Do treffen in de Geischderstunn
die Geischder sich seit Johre schun
un 's brennt im Wald e Feier,
do isses net geheier.

Am Uugeheier See
gäbt's Haase. Fichs un Reh.
E aldi Hex, ganz schebb un krumm,
schleicht heemlich in de Hecke rum
un 's krächzen als die Dohle,
de Deiwel soll se hole.