´werd immer schenner Woch for Woch,
mer hört Posaune hloose
un sieht Geschenke noch un noch,
es glänzen alle Strooße.

Un wu mer hie un anne geht,
de "Weihnachtsmann", do stehter.
E klee Paket, e groß Paket.
was kaafe duht e jeder.

En Weihnachtsstern, en Blumestock.
e Wollschal un en Zweeder.
De Kaschber schlaat en Borzelbock
un lacht, do fräät sich jeder.

's gäbt Weck un Brotwärscht do und dort.
mer duht for's Chrischtkind schwärme.
De Glühwei, der geht rasend fort.
der duht eem richtich wärme.

De Vollmond dorch die Wolke zieht
un lacht, des sin kee Bosse.
Er fräät sich richtich, wie mer sieht,
un denkt, so kann mer's losse.